Regional collaboration strengthens emergency care training in Timor-Leste

English version is provided below

Kolaborasaun Rejional hodi haforsa treinamentu kuidadu emerjénsia iha Timor-Leste

Profisional saúde sira husi Timor-Leste no Fiji hamutuk iha kolaborasaun rejional ida atu apoiu dezenvolve kontextualizaun programa Advanced Life Support (ALS), ho objetivu atu haforsa kuidadu emerjénsia no hadi’ak rezultadu pasiente sira-nian.

Husi loron 27 to’o 29 Janeiru 2026, profisional saúde sira husi área kuidadu emerjénsia Colonial War Memorial Hospital Fiji, fornese treinamentu ALS loron rua iha Dili ba doutór no enfermeiru timoroan sira ne’ebé envolve iha grupu servisu ko-dezeñu ALS nasionál. Treinamentu hotu, kontinua kedas ho workshop ko-dezeñu loron ida, ne’ebé foka ba dezenvolvimentu programa ALS Timor-Leste iha futuru.

Inisiativa ida ne’e hola parte husi esforsu bo’ot husi profisional saúde timoroan sira atu dezenvolve kursu ALS nasionál ida ne’ebé relevante ho situasaun klínika lokal no rekursu sira iha rai laran. Programa ne’e dezenvolve ho apoiu husi Regional Emergency and Critical Care Systems Strengthening Initiative (RECSI) liu-husi parseiru implementadór Menzies School of Health Research, ho apoiu finansiamentu adisionál ba viajen klíniku rejional sira nian liu-husi St Vincent’s Pacific Health Fund.

“Ami valoriza teb-tebes apoiu husi programa RECSI ne’ebé lori fasilitadór no treinadór sira husi Fiji mai atu partilha sira-nia koñesimentu no abilidade, inklui esperiénsia iha dezenvolvimentu programa Advanced Life Support iha Fiji, ne’ebé bele sai hanesan referénsia ba Timor-Leste”, dehan Sr. Francisco Borges, Koordenadór ba Diresaun Treinamentu iha INSP-TL. “Ho dalan ida ne’e, Timor-Leste bele uza mos hanesan referénsia atu dezenvolve ninia modelu rasik tuir konteksu Timor-Leste, maibé nafatin tuir padraun internasionál sira.”

Enfermeira Luisa Vodotagitagi (karuk) no Dra. Manisha Shankar (liman lo’os), ne’ebé mai husi Colonial War Memorial Hospital, Fiji, atu fasilita treinamentu no partilha aprendizajen sira, hamutuk ho klíniku emerjénsia HNGV nian, Dr. Abrao Belo (klaran).

Partisipante mak profisional saúde sira husi Hospital Nacional Guido Valadares (HNGV) no reprezentante husi Instituto Nacional de Saúde Pública de Timor-Leste (INSP-TL), órgaun formasaun husi Ministériu Saúde.

Durante formasaun ida ne’e, partisipante sira simu treinamentu iha kuidadu reanimasaun avansadu, inklui rekoñesimentu ritmu kardiaku, defibrilasaun seguru, jestaun disritmia sira, uza medikamentu reanimasaun, no kuidadu hafoin reanimasaun (post-resuscitation). Programa ne’e inkorpora aprendizajen bazeia ba simulasaun, sesaun abilidade prátika, no palestra interativu sira.

Workshop permite klíniku Timor-oan sira atu servisu hamutuk ho kolega sira husi Fiji, atu explora oinsá lisaun aprendidu husi programa ALS Fiji nian ne’ebé implementa ona ho susesu, bele mos kontribui ba dezeñu no dezenvolvimentu programa iha Timor-Leste ida ne’ebé lideradu husi ema lokal no kontextualizadu. Workshop sira seluk sei realiza iha tinan 2026 hodi finaliza dezeñu no konteúdu programa ida ne’e.

RECSI hetan apoiu husi Governu Austrália liu-husi Partnerships for a Healthy Region Initiative.

__________________________________________________________________________

Clinicians from Timor-Leste and Fiji have come together in a regional collaboration to support the development of a locally contextualised Advanced Life Support (ALS) program aimed at strengthening emergency care and improving patient outcomes.

From 27–29 January 2026, emergency care clinicians from Colonial War Memorial Hospital in Fiji delivered a two-day ALS training course in Dili to Timorese doctors and nurses involved in the national ALS co-design working group. The training was followed by a one-day co-design workshop focused on developing the future Timor-Leste ALS program.

The initiative forms part of a broader effort by Timorese clinicians to develop a nationally relevant ALS course tailored to local clinical settings and resources. The program is being developed with support from the Regional Emergency and Critical Care Systems Strengthening Initiative (RECSI) via implementing partner Menzies School of Health Research, with additional funding assistance for regional clinician travel from the St Vincent’s Pacific Health Fund.

Participants included clinicians from Hospital Nacional Guido Valadares (HNGV) and representatives from the Instituto Nacional de Saúde Pública de Timor-Leste (INSPTL), the Ministry of Health’s education and training body.

During the course, participants undertook training in advanced resuscitation care, including cardiac rhythm recognition, safe defibrillation, management of dysrhythmias, resuscitation medications, and post-resuscitation care. The program incorporated simulation-based learning, practical skills sessions, and interactive lectures.

Nurse Luisa Vodotagitagi (left) and Dr Manisha Shankar (right) who travelled from Colonial War Memorial Hospital, Fiji to facilitate the training and share learnings, pictured with HNGV emergency clinician Dr Abrao Belo (middle)

The subsequent co-design workshop enabled Timorese clinicians to work alongside Fijian colleagues to explore how lessons from Fiji’s successfully implemented ALS program could inform design and development of a locally led and contextualised program in Timor-Leste. Further workshops are scheduled in 2026 to finalise the program design and content.

RECSI is supported by the Australian Government through the Partnerships for a Healthy Region Initiative.

Participants and facilitators from the co-design workshop